2008年10月30日 星期四

生死衝浪之地獄過山車

冇寫幾日股票相信好多朋友都有o的掛住好味超人交易現場既兩位交易員啦,請放心,我地冇輸死,相反仲因為冒死衝浪有o的斬獲。

講返個市,呢幾日大家又再玩地獄過山車,相信都已經嚇過半死,當大家以為香港28號奇蹟反彈1580點已經好神奇既時候,美國又再呢一個大奇蹟日,一口氣升個889點比大家睇下,已經係一個月唔夠既第二次大奇蹟日。雖然美國實在冇乜大利好消息,減息已經預左,只係減多定減少,但市場氣氛仍然大幅好轉,似乎大家都叫做定一定可以諗諗下一步點玩法。

根據過往經驗,超短炒作可以炒埋今日,到聽日宣佈減息後往往就會回吐,所以我地之前撈底既貨可能要係今日先走一轉,然後再等回返又買過。我睇法係今次反彈同年初非常相似,以上次反彈20-25%計,今次應可反彈到13200或者多少少,所以超短線或者day trade主要都係睇住呢個估計頂位,而想玩PUT既話技術上可以係過左13200後先佈署。

至於中線呢睇,港股既PE已經跌到97後既新低,除非國內經濟大幅倒退或者再發生無法預知既大鑊野,否則可以吸納一o的優質港股作投資。鑽石山股神Billy既意見係呢緊幾個月主要炒波幅,估計係11000-17000上落,樂觀睇中線反彈可以去到18500,之後就會進入橫行區收窄波幅成交下降。如果佢既講法成立的話,除左港交所同內房股之外其他優質國企藍籌都可以收集。

好,開市啦,大家一齊出去衝浪啦!

2008年10月16日 星期四

110歲的馮兩努

著名作家馮兩努日前在理工大學聽講座時病發猝死,地點是我十多年前天天蹺課躲懶的一個講堂,兩倍努力的馮與兩倍懶惰的我竟相交於此,實有說不出的感觸。馮憑兩倍努力幹了常人兩倍的事,55歲的他算是活出了110歲的光輝。與其自稱是他的讀者,還不如說我是他的學生,年來從他的著作所學還比三年大學要多,在此要先向他道謝。

多年前在某大電訊商中當個小主管,所謂的主管實在是帶著幾個剛從大學跑出來的菜鳥東跑西跑的保姆。當時最主要的工作就是向機構和學校推銷一種頗昂貴的光纖寬頻服務。既然昂貴要售出當然不易,年青人吃了閉門羹不是放棄就是怨天尤人。遇上好高鶩遠但又志大才疏的後進時,我總會送他們一本馮兩努的《推銷員不死》。

初認識馮兩努是多年前看他主持電視節目《三國啓示錄》*,當時馮的演繹很生動,書讀得很孄熟,古為今用的解說很獨到,那時還以為電視台在哪所大學找來這麼「有料」的教授來為觀眾解讀三國,後來才知道馮兩努竟是個保險推銷員。這個與別不同的推銷員亦是一位實踐派作家,十多年來推出了數十本著作,不少是勵志的散文,其中一本我最喜歡的就是《推銷員不死》。

《推銷員不死》一書主要講述馮的推銷員生涯,當中最值得學習的是他百折不撓,刻苦奮鬥的精神。書中提到他當年在香港到處跑生意時總愛帶一個大大的公文箱,硬硬的,好處是可以乘巴士時放在膝上充作枕頭睡一會然後爭取時間多見一兩個客人;又提到他曾受一地產商邀請到國內銷售房地產,當時馮提出以Cold Call(即致電或拜訪不相識的陌生客人)銷售,在國內這個什麼都講關係的社會,大家當然對馮的提議嗤之以鼻,馮力排眾議,堅持自己的信念,結果憑過人努力做出了驚人的成績。很愛說這兩個故事給年青下屬聽,我想,馮的毅力與堅持正是我們這一代最欠缺的香港精神。

年青人總認為自己是懷才不遇,時不我與,馮兩努相信的卻是:「世界無限,除非你劃地自限!」,世上無事不可能,他讓自己有無限可能,為自己爭取各種發揮機會,當推銷員、節目主持、導師、作家、議員……幹死了嗎?我想積極的Ronald會對你說:「死有何懼,白活才慘,我憑一鼓打不死的精神成就很多事了,年青人,向理想奮鬥吧!」的確人人都需要打不死的推銷員精神。

我時常想,如果刻下就死,沒成就的我算是白活一場了。死生有命,同學們如果想不出人生目標的話就想想自己死時希望人家怎樣看自己把。我想你總不希望死後子孫給你一個空白的墓碑。

註:

*易中天《品三國》好看,馮兩努的《三國啓示錄》(明窗出版)卻是好看之上更有好用,歷史故事落在馮兩努手上積極多了。

2008年10月14日 星期二

生死衝浪之終極刺激 14-10-2008

呢幾日股市出現以下奇景:

1. 10月10日DJI幾分鐘升七百幾點,再呢上下大幅波動,全日收跌百幾點,波幅超過1000點破晒記錄。

2. 10月13日HSI由跌轉升,大升1515點(+10.2%),同日全球股市亦齊齊飛升。

3. DJI絶地反彈,大升936點,相信是單日升幅記錄。

三日之內,股民踏過左受審判,落地獄,復活,升天之路。

今朝起身,睇到上圖,以為HSI又升九百幾點,點知睇清楚,原來係DJI!!乜話,DJI一日升九百幾點!!真係一百歲唔死都有新聞聽。只需要48小時,市場已經可以由極端悲觀變成極端樂觀,G7開左個冇乜結果既大會,結果市場解讀為全球聯手救市大行動,全球股市齊升,連LIBOR都應聲下調。

呢種市況,完全就係教科書講既熊三或熊四現象,即市場上消息主導,大幅上落,經過一段時間之後成交就會慢慢縮減,然後波幅收窄進入橫行區。我睇港股既橫行區應該係16000-18000點之間,然後股市會由整體經濟同公司業績主導個別發展,投資股票既散戶減少,市場又再重新儲備動力等候下一個全民皆股既瘋狂牛市。

講返尋日即市操作,上午個市冇乜動力,正當大家躊躇緊好唔好沽貨時候,個市忽然間復活,食Lunch時,阿爺更加忽然發力,有傳因為新農地法利好經濟,上海股市雞犬皆升,其中國壽更差o的升爆機,上証企穩可以話替全球股市打一支強心針,阿爺又一次保衛地球。港股受阿爺帶動,指數即時飛升,Billy愛股2628更奇績地上演一幕直升機式大升。好味超人交易現場兩位交易員即時O嘴,我問Billy沽唔沽貨,Billy有以下金句:

「唔沽,呢o的大反彈通常唔會彈一日,彈一日好多人唔信未入市,中計既人唔夠多點搵錢呀,梗要升多兩日先收網打盡水中魚。」(當左自己係大戶!?)

我地結論係等等等,果然升完可以再升,大上大落既股市,刺激過過山車。今日即市策略係不買不賣,升破17000就出一o的貨減磅再等機會。Cash is King係熊市金律,暫時我地都要多持現金同保持”現金存倉時間>股票存倉時間”既原則。所以今個星期都係獲利吐現為主,儲備彈藥等下一個浪呢既時候再去衝浪。

2008年10月13日 星期一

對接吧! 神舟

在日本Yahoo!新聞網讀到一篇題為「神舟は“日本の満鉄魂”から誕生?自前技術どれほど?」(大意是「神舟號是從日本的鋼鐵誔生嗎?當中有多少是自家技術?」)的文章,內容主要談及中國神舟太空船幾乎是俄國太空船的翻版,而當中的碳纖物料更極有可能來自日本。以往中國要得到日本的尖端物料需要透過種種地下手段,例如要以進口釣魚竿的形式引進纖維物料,到了現在中國已可通過大學交流之類的管道取得日本的技術。作者認為某程度上中國的航天技術是「國際合作」的結晶。

縱使文章認為中國透過太空發展達到軍事獨裁的機會很低,但字裏行間仍不乏中國威脅論。近年日本新聞界,類似文章多如汗牛,似乎挑戰中國升空計劃已成了評論界的基調。在右翼傳媒主導的日本社會,中國威脅論不單有市場,而且更有其實用價值。由92年通過PKO法至今年放寬太空非軍事化議案,日本右翼分子都總是大打中國威脅牌引導民意右傾,讓「進取」的法案得到民意支持而順利通過。事實上,日本早已積極發展間諜衛星之類的軍用科技,然而在此之前只能以非軍事用途包裝上馬。

太空科技非軍事化是荒謬說法,在以精確打擊為主的現代戰爭,勝負的關鍵就是制高點,誰能善用衛星資訊就能掌握戰場上的主導。這個道理中日政府都明白不過,亦因此,中國火箭頻頻升空,載人技術有長足進展,看在日本人,尤其日本政府眼裏,已不單是民族自尊那麼簡單。日本技術落後了嗎?中國會否以太空軍力作政治籌碼呢?日本應否大力發展太空軍備與之抗衡呢?這些都是日本民眾關心的事。當然,我們有理由相信新一代日本人並不好戰,亦沒有了發動戰爭的誘因,但在右翼分子煽動下,日本人普遍對中國太空計劃有成見卻是不爭的事實。

近來中國青年們看到日本人評擊中國航天事業就沾沾自喜的認定人家是吃不到葡萄。可惜在技術層面上,中國雖然已多次載人升空,但現階段中國的自主技術的確略有所缺,就連最近一次太空人出艙所使用的太空衣亦是以俄國技術為本的「中國貨」。反觀日本的航天事業在火箭燃料、太空物料、搖控技術等均比中國領先,部份領域,例如太空對接技術更是領先得連美國也要引入。日本之所以沒發展載人航天,實在是因為他們搭了美國的「順風機」,根本沒必要自家發展。

毛澤東的名言:「戰略上藐視敵人,戰術上重視敵人。」現在我們在校園天天唱國歌,日日歌頌神5神6神7的同時,是否也應該從不同方向供應資訊給學生,讓學生能客觀判斷我國的科技水平,哪裏不足,哪裏有改進空間,對比國際立於何等位置,鄰國何以有所批評。我相信,神舟飛天會是啟發學生研究航天與太空科技的好契機,而且在學習自然科學的同時,更能透過中外觀點之異了解中國與國際社會的關係。一個會獨立思考,會關懷別人,會客觀看世界的學生,絶對比一個只會叫「楊利偉很勇敢!」的學生更有益於國家民族。

培養學生思考,我等責無旁貸。期侍我們的神舟號快來一個利落的對接,然後讓我問問同學們:「你認為對接是特技效果嗎?我們的國產接環對比日本貨如何?神舟號何時會接上國際太空站?」

2008年10月10日 星期五

生死衝浪 2008-10-10

所謂股災,其實係信心危機,大約每十年就有一次,一生人可以遇上幾次,而我地家陣就遇上可能係歷史上未遇過咁大劑既金融危機。

果然如王冠一教授年頭所言,歐洲金融機構一定會受美國影響而出事,呢兩日歐洲真係人心惶惶,各國政府都要為國內既銀行注資,要留意既係英國甚至係注錢入銀行系統外仲入股銀行,即係各國都發覺而家係金融系統出現問題,現代經濟建基於人對金融系統既信任,如果金融系統出事就唔係經濟問題而係社會問題。冰島呢個小國就首當其沖出事,幣值急瀉,銀行出現倒閉危機,最好笑係個政府都就呢要申請破產,唔知破左產之後係咪會有執達吏將佢成個國家拎出呢拍賣,到時比阿爺BID到就好玩。

而家世界各國最大既問題係銀行借唔到錢出又借唔到錢入,有水既銀行唔敢借比同業驚佢摺埋,冇水既銀行平時靠拆借渡日既就借唔到錢只有發狂賣野同call loan,咁會出現乜情況呢?遠既唔洗睇,就睇我地香港賣成衣既U-Right就即時比人call死,如果銀行平時唔係好急錢通常會揀拖一拖好過申請個客清盤一鑊熟,而家好明顯係銀行都狗急跳牆,相信呢類事件仲陸續有呢。最壞會係金融系統癱瘓導致商業社會無法運作,因而令銀行運作困難甚至執笠,大家都唔信銀行最後個個買夾萬放實金係屋企(銀紙都信唔過啦!),到時仲大劑過大擠提。

講返股市,尋日HSI反彈511點大家都好開心,我地冇走貨,諗住睇多日,似乎係錯誤既決定,睇呢今日又要跌1000點以上,15000點呢個位相信都守唔到,唯一既希望就係阿爺跌少o的頂住我地,咁收市都仲有可能跌少o的收場。如果冇貨係手既朋友不妨睇位買野摶反彈,買乜已經冇所謂,反正呢個時候已經冇乜技術分析可言,總之打開大利市機見到邊隻指數股跌得最勁就買邊隻,定個止蝕位就OK。仲夠膽玩!?鑽石山股神話齋:「怕死就唔會打風去滑浪啦。」

呢個市咁恐慌,相信大家而經乜野壞息消息都聽過,唔差在比多少少我地好味超人交易現場既民間極端意見比大家參考下。

Billy:「歐洲而家唔係小問題,可能有銀行執笠。」

Billy:「邊個話唔可以連開十鋪細,日本股市連開一百鋪細都係咁啦。」

Billy:「唔洗咁驚,港股最多跌到月尾,因為日日跌一千到時變0點。」

超人媽媽:「阿仔,中移動唔急買丫,隻野廿蚊升上呢,你估佢唔會跌返去廿蚊咩。」

好味超人:「911時DJI低位7500,係金融世界呢講而家大鑊好多,我諗要試返911個低位。」

好味超人:「而家大鑊過97年,當年係亞洲金融風暴,而家係美國金融海嘯,美國一個州GDP已經多過泰國全國。」

2008年10月7日 星期二

理想職業

小學生最愛問我兒時的理想職業,為免讓小朋友失望,總愛答:「老師。」

這相信是老師們說得最多的美麗謊言之一。事實大家心裏也清楚,所謂的理想職業會隨年紀而變遷。

記憶所及,童年的第一個理想職業是科學家,當時大概是十歲八歲吧,那個年頭的小朋友沒什麼數碼暴龍也沒什麼NDS,最大的娛樂就是去小童群益會的圖書館看圖書。男孩子最愛看的當然是科普書,天文地埋生物機械,總之有圖畫就好,當中最愛看的,莫過如太空科學書,看著那農神火箭的插圖,幻想自己就是征月英雄一飛衝天,身囹石籬貝陋室心卻早飛無邊宇宙。書中登場的太空人不是天文學家便是生物博士,似乎成為科學家就可以登上太空船,是以整天都跟父母嚷著將來要穿白袍當科學家。人大了才知道要當生物博士上太空果真是「難過登天」,還是快發達掏出三百萬現金給維珍送我上無重區踏實得多。

中學時代,是個典型日本漫畫迷,當年的漫畫迷很慘,社會總是把他們標籤為變態電車男,無知的道德塔利班天天在傳媒宣揚漫畫是色情暴力的結晶,毒害青少年云云。一位現在當了校長的老師就曾經語重心腸的叫我不要再看那些「變態書」,少年反叛當然別人越反對我就越要看。結果竟然給我讀上了手塚治虫的Black Jack(怪醫秦博士),此書不讀則已,一讀驚人,從來以為世上只有一條界,男左女右忠奸分界的我,看到活在灰色世界的秦博士遊走正邪之間,仗一張手術刀揭盡人間詭詐,那種震撼,豈是十來歲小伙子受得來。自始,我就立志要做醫生,學秦博士那樣瀟灑行醫,多有型。後來中四考不上理科班,成績一塌糊塗,做醫生?回家玩「超執刀」過過癮吧,想也別想了。

糊里糊塗,升上了預科,根據理想與年齡成反比的道理,我的理想職業亦下調為「作家」。預科時,已經有很多同學朋友老師說我的文筆不錯,雖然稚嫩還都「睇得下」,很自然飄飄然的希望將來有機會靠寫文章維生。正藉我好夢正酣之際,一個更大的鼓舞擺在眼前,一個叫梁望峰的中五畢業生給賞識成了少年作家,出了一本又一本主攻年青讀者群的小說,在那個未有互聯網,中小學生也會看衛斯理金庸的年代,梁望峰就是打破成人壟斷的英雄,他讓我意識到自己也有機會成為作家,於是寫呀寫,寫呀寫,一天到晚就是看有什麼地方可以投稿,結果呢?「睇得下」與「賣得下」是兩碼子的事,長篇小說是無望了,倒是在報章登過一兩份散文,也為後來成為電腦雜誌撰稿員打下了根基。多虧互聯網的出現,當「作家」這理想算是達成了,起碼閣下也在看我這文章,還得在此先向你說聲謝謝。

當立之年的我現在想當商家、議員、法官還是特首呢?通通都不是。

我想當蔡瀾!

看到電視上的蔡生吃盡天下美食,行盡世上名城,抱盡城中美女,還有什麼逍遙得過;蔡瀾早已不是食家商家作家,他已進化為笑傲人間的享受家,是一種極少人幹得來的職業,致力尋找身心極樂,讓觀眾放鬆一下、享受一下、感受一下,世上還有什麼職業樂之得過。

2008年10月6日 星期一

股海衝浪 6-10-2008 


今日港股有幾大鑊相信大家都睇到,一開市已經玩個大裂口冇問題,反正大家早有心理準備,之但係lunch之後阿爺唔生性,上証跌到出晒界,咁既勢態港股自然跌到飛出街,結果全日跌878點,創兩年收市新低。

本來上午打算撈恒生摶反彈,諗下諗下鑽石山股神Billy又提一提三大唔好入市既理由:
1. 聽日放假去拜山。
2. 星期二美國有業績公佈,唔好既多。
3. 星期三雷曼苦主包圍立法會。(依,呢個好玩喎!!)

聽落好有道理,結果懸崖勒馬無買貨安心食lunch,點知下午越跌越多。
2:48PM,係我地既好味超人交易現場有以下精警對白:

好味超人:「跌成七百幾點,o的野好抵喎,買唔買貨?」
Billy:「呢o的位,乜都抵,睇緊2628。」
好味超人:「喂,上証跌到出晒界,個chart都顯示唔到喎(見上圖),仲玩國企怕唔怕呀?」
Billy:「唔怕,阿爺會做野。」
好味超人:「阿爺尋日咪做左野囉,唔升喎,怕唔怕?」
Billy:「唔怕,阿爺過幾日開三中,冇理由呢頭開會果頭股災。」
好味超人:「有見地有見地。」
Billy:「咁你買唔買貨?」
好味超人:「買左啦,中石油。」
Billy:「嘩,乜咁摶,怕唔怕?」
好味超人:「你話阿爺會做野。」

就係咁,我地結論係照冒險,希望阿爺可以出動保衞地球。呢幾日氣氛差些少,但係以摶反彈呢講今日都係要入場,所以我地都係認為要加貨,而呢一刻DJI都跌超過400點,已知既利淡因素有望一次反映出呢。貫徹越跌越買既原則,星期三開返市如果又做多個夠勁既低位我會再溝貨,期待後市唔係惡劣得咁利害的話有望出現短期反彈,玩的話都會係集中玩指數股為主,大家可留意一下。

Billy今日金句:
「雖然唔會連開十鋪細,但呢o的市多數第十鋪先開大,我可能未等到第十鋪就輸死左。」
「打風先去衝浪,感覺份外刺激。」
「阿爺千奇唔好開雙向直通車,如果唔係連香港死剩既人都反攻大陸,到時港股即瓜得。」
「雖然阿爺係保衞地球既超人,但可能變身都變唔切就比人打死左。」