Wall Street 929 Judgment Day

美國史上最大救市方案比議會小比數否決左，當中好明顯係小布殊實力唔多夠，竟然連共和黨都蠢蠢欲動想玩野。加上兩個總統候選人各懷鬼胎驚死阿殊哥唔夠樣衰，一時話支持一時話睇下一時話玩下條件咁。急症病人去到急症室醫生仲話要傾下睇下點救法，問下呢個問下果個，咁既情況完全係廣東人所謂：「人多煮狗都唔冧」

之但係點解意見咁不一呢，呢個又要返返去民意上面，民調話原來支持政府七千億救市既市民只有30%，其餘多數係冇意見或者反對，咁既情況下，你係議員或者候選人都唔敢逆民意而行，我自己有好多美國親友，十個有九個都反對救市，歸納原因如下:

1. 原則上大家夾七千億救經濟冇問題，但而家好明顯係全民為金融界過去既貪婪負責，錢就iBank收，鑊就大家孭,呢o的乜野道理呀，唔見iBank搵到錢分錢比大家洗。

2. Investment Banker係美國幾大程度上係人民公敵，好多人覺得呢啲Banker其實係大炒友唔係實業家,求其亂炒，炒上佢又收錢炒落佢又收錢，仲要佢一日人工係普通美國百姓十年人工，之前大家已經好眼紅，要大家夾錢救佢， 好多人情願一鑊熟冇咁嬲。

3. 追源索始，今次金融海嘯源於樓市爆煲，有乜理由唔供樓既人走左去，銀行因此失左錢要大家夾返。樓市爆煲香港日本都發生過，呢啲地方會唔會叫大家夾錢補返個樓洞，人地炒樓炒輸左都係自己負責，銀行中招都係自已食返。

當然仲有無千無萬既理由支持唔救市，就因為咁,議會拖一拖政府後腳搞出左個Wall Street 929 Judgment Day， DJI一 日跌左777點，認真壯觀。

睇返歷史，Judgment Day之後往往係Resurrection Day，摶反彈，好時機。但睇呢呢幾日個市都唔會好得去邊，一來議會否決得個救市方案短期內就肯定唔會有乜新法子救市，二來呢幾日阿爺放假,想出政策曲線救市保衞地球都唔得，咁情況只有望個市跌勁啲產生超賣然後出現技術反彈，單靠一個因素入市似乎危些少，所以今個星期好味超人投資策略都係「情願走雞，好過中計！」

嗌交的藝術

古往今來嗌交都是人們最愛的娛樂之一。不論是嗌的人還是看的人都樂在其中，TVB是嗌交劇之典堂，我們香港人當然也非泛泛。

這一幕毓民大鬧民建聯，不單大快人心，更是嗌交藝術的絕佳教材。

毓民之妙，妙在粗中有細。一開始就開宗明義是要以其人之道還自其人之身，為的是要搶佔當時的道德高地－－為涂謹申出頭。接下來當然就是毓民的招牌絕招大聲夾惡連珠爆發。

在短短的四分鐘，毓民計算了當中的利害，也兼顧了選舉的戰略與戰術。戰略上當然是要勝出選舉，當時民調落後的毓民，並非知名度不足或是支持者不夠，而是欠缺宣傳，部份選民甚至不知他參選。要扭轉形勢的最佳方法，自然是製做話題，在電視辯論中來一場讓觀眾印象深刻的表演，讓影像在網上得到回響成為本少利大的宣傳。

哪該以什麼戰術去服務上述的戰略呢?

毓民選擇了煽動民情，震攝對手的方法。利用大會的安排及器材漏洞，用盡四分鐘去佔用揚聲器，讓民建聯的對手無法反駁，最後以道德話題攻其無備，然後看看計時器，盡用最後十來秒煸動民眾大叫口號，在一片「民建聯最無恥」的呼聲中，對手能不低頭嗎?

這場嗌交，明顯是班數不同，民建聯的選手們壓根兒沒法招架，面對毓民，李慧琼實在可憐，本以為是出風頭爭表現的好機會，卻變成給對手魚肉數落的鬧劇，不單攻擊對手不成，更連自黨的顏面也保不了。

拳賽尚且會分級作賽，選舉卻是真正的不分級大混戰，論娛樂性比拳賽尤有過之。

火星鼠金星鼠

愛APPLE那需理由，一個"型"字已足夠。

桌上兩隻都是好老鼠，但卻是來自兩個星球。

Microsoft CO Mouse 3000是世上少有的好鼠，完全根據人體工學要求製作，身輕如燕，手感一流，用多長時間也不感累；利用傳統紅色光學定位，反應敏捷，在桌面上點按推撥有如放飛刀一樣利落；按鍵清晰明白，不多不少；價錢便宜，百來港元物超所值。

Apple Wireless Mouse是獨步天下的美鼠，曲線玲瓏，線條簡約，一氣呵成，一體成型的外殼完成度教人驚嘆。白晳的肌膚沒有多餘裝飾，只有一個小小的方向球和一個APPLE引以為傲的“吃一口蘋果”商標，組合簡單卻灌注了APPLE立身哲學。在美得不可方物的外殼下是最先進的激光定位技術，利用菱鏡反射人眼看不到的激光作定位，不會洩出紅光破壞整體白滑美感。此等巧思，盛惠五百大元。

兩鼠相遇，自然擦出火花。一個是實用主義者，一個是唯美主義者。原來唯美是要付出代價的，Apple Mouse雖然很美，但用起上來卻問題多多，鼠身上完全沒有按鍵，要按左或右鍵就要壓下鼠的左半邊或右半邊，初用時經常因為按不準而無法按到右鍵，另外，為了成就那完美的曲線，鼠身刻意做得比一般滑鼠扁平，長時間握持的話手掌會因沒有承托而變得疲倦。又不知是因為激光定位還是藍芽傳輸關係，此鼠比一般的無線滑鼠耗電得多，不到一個月就要換一次電池。實用性上完全不是Mouse 3000的對手。

想你會問：那你幹嗎會買Apple Mouse呢?

原因很簡單──因為買了白色Macbook嘛。買了Macbook後，你會發覺世上只有一隻鼠跟它相配，Macbook與Apple Mouse本就天生一對，兩者結合，光是用來看就已夠好了。當感性戰勝理性的時候，你就會明白「玩」電腦的真諦。

Microsoft比之於Apple就如老婆比之於情人。

老婆是禍福與共，一起打併，捱生捱死的好伴侶；情人是溫柔婉約，一夜逍遙，互訴情話的好對象。

最愛老婆還是情人，男人心中早有答案。

大導演搭老闆書之「碰壁」

大導演:老闆，我話晒都係大導演，點都要拍一次驚天古裝大製作，之前我交份赤壁既Proposal點睇?

大老闆:我睇過，幾好，呢期中國市場最重要，我地當然支持玩大佢，咁要幾錢?

大導演:8000萬美金啦，一係唔拍，一拍我就要拍一齣中國史上最大既大片。

大老闆:好，好好，錢無問題，市務部話中國市場最buy大大大大大片，大導演你有咁大搞咁大啦。

大導演:多謝老闆，我會搵齊中港台最紅既紅星一齊上陣。

大老闆:喂，我地有日本投資人喎，加個日本演員啦。

大導演:係係係，一於加個日本男星，一於中港日台型男盡出。

大老闆:等陣，搵幾個靚女呢睇下啦，商業片點都要搞o的床上戲，順便搵多個靚女做女戰士啦，我地鬼佬最buy呢o的巾幗英雄。

大導演:老闆，我地中國人打仗邊有女人??

大老闆:叫你就做啦，話時話，你之前比我睇份劇本咁Q多政治內容，又乜乜官渡問題，又乜乜統一戰略，咁煩o的女性觀眾比你悶死晒啦，快快手手搞兩場文場就打啦。拿，我度好左架啦，一於話曹操要捉周俞條女小喬返銅雀樓相好，所以發兵，咁咪簡單易明囉，幾時爭女都係最受師奶歡迎既橋呢，你冇睇你祖家無線o的電視劇既咩，你記唔記得邊個先係老闆呀。

大導演:知道知道，老闆講得o岩，觀眾先係老闆。

大老闆:我地做生意最緊要照顧全世界客仔，仲有仲有，我地美國佬呢期最鐘意睇Chinese Ku Fung，你睇下搵八爺定東哥啦，最緊要打到飛上飛落，我最鐘意睇Chinese Superman。

大導演:我地而家拍戰爭片唔係武俠片喎，點可以飛來飛去呀，我地古時打仗主要都係馬戰，武將主要靠馬力同對方衝撞打殺。

大老闆:超，我地鬼佬觀眾理Q你乜片，總之係古裝就要打打打，算啦，我尊重你，唔吊威也都得，但o的武將點都要落馬打多o的招數呢睇下，一個打一百個卒仔，最好各有絕招，出招時叫埋「關羽偃月斬」「玄德雙飛劍」咁啦。

大導演:(心聲)Oh My God!

大老闆:仲有仲有，咪話唔教精你，一定要照顧埋歐洲觀眾，加多場功夫足球就fit晒。

大導演:唔係掛老闆，打緊仗喎，邊有心情踢波。

大老闆:丫所以話你呢，蹴踘係你地黃帝時代流傳落呢既玩意，呢o的玩意唔係用呢操兵你話用呢做乜勒，加入戲度好合理丫，哈哈哈，做得你老闆，我都識中國歷史既，照做啦。

大導演:係既老闆，話時話，搞咁多野我諗齣戲要成三個鐘，我驚影響票房喎。

大老闆:呢所以話呢你，生意既野你識鬼咩。拿，你同我再拍長o的，到時華人同日韓地區就分上下集，一集暑假上，一集年尾上，殺佢兩張飛錢，鬼佬market就等年尾先一集過，剪個「三國無雙之赤壁-格鬥天下特別版」咁錢就搵到盡啦。

大導演:係既係既，咁...老闆大人，放白鴿果度...

大老闆:唔...大導演，我雖然多意見，但最終都係尊重你既，套戲係你既，當然要放白鴿啦，唔比你放你都訓唔著啦，拿拿，一定要白色，用CG做，飛既時候要有動感，由上面PAN落呢睇到地面風景，順便Show下大場面咁啦，小小意見，唔迫你，照做啦。

大導演:鳴...知我者老闆也，多 謝 你 老 闆!

創意校園

一個校園，總有一個校園電視台。

此話一出，每每引來老師校長們非議。然而，什麼才是校園電視台呢?是那個百萬金元打做的琉璃房子嗎?還是那些看來很專業其實很陽春的器材呢?在我看來，只要有一台攝錄機，加上一個可以發表影片的途徑已算是一個校園電視台。

每次跟老師談起建立校園電視台，劈頭一句總是「要多少錢？器材在哪裏買？這個型號強嗎？哪個可以拍高清嗎......」甚至有位校長提到：「裝修方面一定要cyberlook啊？」遇上這類問題，我總愛給老師校長們說說以下兩個故事。

十年前，陳果導演拍攝「香港製造」時只用了數十萬元資金(當時一般電影的製作費最少要超過一百萬元)，在左右支絀的情況下連幕後人員也要客串當演員，製作器材與技術也只是最基本的，沒有千萬特技也沒有知名演員。結果「香港製造」大受好評獲獎無數，亦成了香港電影的一個神話。

年青人世界無人不曉的umovie.net，創辦時只有一台攝錄機和幾個幾個腦筋怪怪的理工大學學生，在沒有任何外來經費支持下，只以手頭所有的家用器材製作了一條又一條經典爆笑的片子，發展下去，青年人竟可以一台普通的電腦，加上一些土製的道具搞起特技來。當中最教我印象深刻的，是他們為短片「頭文字T」錄製主題曲，沒錢租用錄音室的年青人找來了一張破綿被充作吸音物料圍在唱歌者身旁，在「綿被錄音室」的年青人放聲高歌，成果竟好得出奇。年青人目標為本，實事求是，追求創意的精神實在值得學習。

回到校園，那到底學校是為了趕潮流而成立校園電視台還是真的希望給學生們一個發展創意的平台呢?如果答案是後者的話，那大家的焦點應該是校園電視台的人材問題而不是硬件問題。當然，影音製作沒有硬件不行，然而，器材是服務創意的工具，最重要還是參與者的技考和創意。

走訪過過百間學校，看過無數的校園電視台，我認為要讓校台辦得有意義，最重要還是要讓學生多作參與。在製作的立場上，學校應在可能情況下給與同學最大的自由，最理想的情況是校台中的台長，導演等關鍵角色全數學生負責，老師們只要當個監製就好。此外，校方亦可把同學分成不同的製作小組，例如戲劇組、新聞組、綜藝組等，讓同學們有更多選擇。當然，老師亦可將相同組別的同學再分成AB組讓不同組別的同學透過競爭求進步。

總括而言，要校園電視台發展得有聲有色，最重要還是鼓勵同學們多加參與，老師的角色是管理創意而非主導創意，有關製作和創作的工夫，大可直接下放給同學們，讓同學在製作領域上摸索磨練，日子有功，說不準你也能發掘一個少年陳果出來。