香港網台排名

我諗好多朋友都係因為ourradio既節目認識我地,今日忽發奇想做左個小小既網台排名研究。
雖然香港聽網台既人係少數,但出奇地多人搞網台,我諗同香港大氣電波唔開放,要做聲音發表途徑比較少有關,而原來過去已經有幾百個台出現過,但最後仍然有節目既就只有十幾個,可見要聽另類聲音,要捍衛言論自由都唔易。
以ALEXA*香港區排名計,家陣我搵到仲有節目既網台當中,只有香港人網可以挑戰主流媒體,而第二既熱血時報都算好野,短短一個月就成為香港第二網台,而原本排第二,曾經迫近100大關既ourradio已經同ragazine雙雙跌出1000位以外

,兩個加埋我估大約排名400-500都叫有D影響力,再打後既就可以數埋第5既民台,民台排位雖然比較低,但加埋少量既大氣電波聽眾加權之後聽眾人數應該同前兩位差唔多。
再後面既基本上已經唔洗再提,洗納稅人錢既U21排五千幾搞左等如無搞,以為政客係明星既ourtv仲慘,排位同pooopup差唔得幾多,而no regional data果幾位就只可以講句精神可嘉,因為佢地hitrate低到alexa個robot都分辦唔到佢地係邊度人士但仍然有節目出街。
總括呢講外面好多人以為香港網台好多或者發展好快其實都係一個美麗誤會,作為一個二線網台節目主持,我都認為應該諗下點先可以擴大聽眾群同增加影響力。

*註:香港區排名已經比大量國內網站干擾,當中大約有7成為大陸無厘頭網站,所以我認為大家睇呢個排位時可以除4睇,例如排1000/4就大約250,咁就大約可以估計到呢D香港網站互相之間既比對排名。