PRIUS C 2012

年頭買等到而家既PRIUS C終於到手,一於呢個有我地特色既OPEN BOX REPORT:
1.先講壞處,車好窄,司機左腳位有少少頂,後座中間比前座個雜物箱頂住搞到超迫,男人最多座4個人,尾箱都係細車SIZE,兩個大背囊加個水桶就打爆。
2.無天窗OPTION,廠話係環保理由,加錢都唔得,吹脹。
3.無LCD大面版電腦,人地美國版PRIUS C貴少少既VERSION都會有TOYOTA X Microsoft既新型車用電腦,香港平車唔知點解從來唔比人加錢買呢D OPTION,雖然話係稅務問題,但出車半年後當PARTS賣比我都得掛。

4.油門角度怪怪地,好多時都唔知踩左幾多,有時係大腳定細腳油都唔知。
5.力水同同價既電油車比有大距離,其實呢點都唔算壞處,應該視作HYBRID車既特色,力量主要係頭段,油電一齊發力大腳油加速比得上GOLF GTI,但之後就唔好有期望,行HIGHWAY最好KEEP中慢線。
6.暫時長開冷氣可以做到$0.7-$0.8/KM,純講計數縱合用車成本一定係Ractis效益比佢高。
7.PRIUS C HYBRID動力既OS同PRIUS或者CT200H分別非常大,PRIUS C既PROGRAMMING明顯集中係慳油,乜MODE都盡力叉電,基本上一唔踩油就叉,ENGINE一有機會就關,結果出呢好處係做出地球上最慳油記錄,但壞處係ENGINE成日開開關關,本來係大CC車成日開關唔係問題,試過LS600H開關完全係穩定到唔知個ENGINE有開過,但係PRIUS C呢講ENGINE介入時就有明顯震動,結果行車時成日震下停下感覺怪怪地。
8.車頭燈非常光,仲光過BENZ C Class,睇路非常清楚,不過香港街燈多,車頭燈冇乜大作為。
9.車內設備非常齊,電摺鏡,軚控HIFI,BT電話連線,仲有個多功能行車MONITOR,計耗油,環保分數,行車INFO等等乜叉都有相當電腦化。
10.電動行車完全冇聲,入停車場要小心途人。
11.停車關引擎都可涼冷氣,而且冇廢氣排出感覺相當良好,不過用NiMH,電細,儲電量比PRIUS少,叉滿只開到15-20分鐘冷氣(PRIUS叉滿可開30分鐘)。
12.車箱,坐位都係膠,對呢級日用車呢講膠係好處,好在唔污糟好打理,玩幾年都唔會殘,坐位係似皮既膠,好處都係唔會有積,唔怕比細路用維他奶攻擊。
13.外型好科幻,由於冇前代車,呢架野一睇就知係2012既產品,暫時係街都唔算多。
14.我買既係TOYOTA從來未出過既灰水珍珠白,JENNY妹話呢隻色whiter than white好特別,不過呢D怪色代價係花左一定要返TOYOTA先噴得返,價錢一定比街邊車房貴。

結論係如果為慳錢買佢就未必計得掂(香港路短),但香港楂車都係玩多過實際,如果想感受科技PRIUS C就絶對超值,Toyota Hybrid既核心技術可以話當世無雙,當鬼佬仲係LAB度死搞爛搞時Toyota已經將Hybrid普及到入門車,付出single core車價就可以玩到現時既科技極限dual core可算係相當值得。

原文首貼於我地數碼生活頻道既FACEBOOK,請大家支持支持: 

http://www.facebook.com/Hkdigitallife